སངས་རྒྱས་ཤཀྱཱ་ཐུབ་པ་ལ་ཕྱག་འཚལ་ལོ།།

༄༅། །བཀྲ་ཤིས་པའི་མདོ་ཞེས་བྱ་བ་བཞུགས་སོ། །

མཁན་པོ་བསོད་དར་རྒྱས་ཀྱིས་བསྒྱུར།

༄༅། །བཀྲ་ཤིས་པའི་མདོ་ཞེས་བྱ་བ་བཞུགས་སོ། །

འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །

དེའི་ཚེ། ལྷ་མོ་ཞིག་གིས་མཚན་གུང་གི་དུས་སུ་འོད་ཟེར་ཁྱད་པར་ཅན་བཀྱེས་ནས་སྐྱེད་མོས་ཚལ་ཐམས་ཅད་དུ་ཁྱབ་པར་བྱས་ཤིང་བཅོམ་ལྡན་འདས་ག་ལ་བ་དེར་ལྷགས་ཏེ་གུས་པས་ཕྱག་འཚལ་ནས་ཕྱོགས་གཅིག་ཏུ་འཁོད་དོ། །

དེ་ནས་ལྷ་མོ་དེས་ཚིགས་སུ་བཅད་པའི་སྒོ་ནས་བཅོམ་ལྡན་འདས་ལ་གསོལ་པ། ལྷ་དང་མི་ཡི་འགྲོ་བ་རྣམས། །བཀྲ་ཤིས་མཆོག་ནི་ཐོབ་འདོད་པ། །ཐམས་ཅད་བསོད་ནམས་དོན་གཉེར་བས། །ཤིན་ཏུ་བཀྲ་ཤིས་བསྟན་དུ་གསོལ། །

དེ་ལ་བཅོམ་ལྡན་འདས་ཀྱིས་ཚིགས་སུ་བཅད་དེ་འདི་སྐད་ཅེས་བཀའ་སྩལ་པ། རྨོངས་པ་རྣམས་ལ་མི་བསྟེན་ཞིང་། །མཁས་པ་རྣམས་དང་འགྲོགས་པར་བྱེད། །ཡོན་ཏན་ཅན་ལ་བཀུར་བྱེད་པ། །འདི་ནི་ཤིན་ཏུ་བཀྲ་ཤིས་ལགས། །སྔོན་བྱུང་མཁས་གྲུབ་གོང་མ་ཡིས། །བསྟེན་ནས་ལམ་མཆོག་སྒྲུབ་པའི་གནས། །ཉམས་དགའི་དབེན་ཁྲོད་གནས་བྱེད་པ། །འདི་ནི་ཤིན་ཏུ་བཀྲ་ཤིས་ལགས། །མང་ཐོས་བཟོ་ཡི་གནས་ལ་མཁས། །སྡོམ་པ་ལེགས་པར་སྲུང་བ་དང་། །སྙན་པར་སྨྲ་བས་ཡིད་འཕྲོག་པ། །འདི་ནི་ཤིན་ཏུ་བཀྲ་ཤིས་ལགས། །ཕ་མ་གཉིས་ལ་བསྙེན་བཀུར་དང་། །བུ་དང་ཆུང་མར་གཅེས་སྐྱོང་བྱེད། །ཀུན་སྤྱོད་རྣམ་དག་རྙོག་པ་མེད། །འདི་ནི་ཤིན་ཏུ་བཀྲ་ཤིས་ལགས། །སྦྱིན་པ་དང་ནི་ཆོས་ལ་སྤྱོད། །གཉེན་ཉེ་ཀུན་ལ་བརྩེ་བས་སྐྱོང་། །བྱ་བ་ཐམས་ཅད་སྐྱོན་མེད་པ། །འདི་ནི་ཤིན་ཏུ་བཀྲ་ཤིས་ལགས། །ལོག་པའི་སྤྱོད་པ་སྤོང་བ་དང་། །མྱོས་པར་བྱེད་པ་མི་བཏུང་བ། །ཆོས་ལ་བག་མེད་སྤོང་བར་བྱེད། །འདི་ནི་ཤིན་ཏུ་བཀྲ་ཤིས་ལགས། །གཞན་ལ་བཀུར་ཞིང་ཁོག་ཡངས་པ། །འདོད་ཆུང་ཆོག་ཤེས་དྲིན་གཟོ་བ། །རྟག་ཏུ་གདམས་ངག་ཉན་བྱེད་པ། །འདི་ནི་ཤིན་ཏུ་བཀྲ་ཤིས་ལགས། །བཟོད་པ་སྒོམ་ཞིང་གདམས་པ་ནོད། །དགེ་སྦྱོང་རྣམས་དང་འཕྲད་པའི་ཚེ། །ཆོས་ཀྱི་གཏམ་ནི་གླེང་བར་བྱེད། །འདི་ནི་ཤིན་ཏུ་བཀྲ་ཤིས་ལགས། །ཚངས་པར་སྤྱོད་ཅིང་དཀའ་ཐུབ་བྱེད། །འཕགས་པའི་བདེན་པ་རྟོགས་བྱས་ཏེ། །མྱ་ངན་འདས་ཆོས་མངོན་བྱེད་པ། །འདི་ནི་ཤིན་ཏུ་བཀྲ་ཤིས་ལགས། །འཇིག་རྟེན་ཆོས་དང་འཕྲད་པ་ན། །དེ་ཡིས་སེམས་ཉིད་མི་གཡོ་བར། །གདུང་བ་མེད་ཅིང་བདེ་བར་གནས། །འདི་ནི་ཤིན་ཏུ་བཀྲ་ཤིས་ལགས། །དེ་ལྟར་ཉམས་སུ་ལེན་པ་ལ། །ཐམས་ཅད་རྣམ་པར་མི་རྒྱལ་མེད། །གནས་སྐབས་ཀུན་ཏུ་བདེ་བ་ཐོབ། །འདི་ནི་ཤིན་ཏུ་བཀྲ་ཤིས་ལགས། །བཀྲ་ཤིས་པའི་མདོ་ཞེས་བྱ་བ་རྫོགས་སོ།། །།

མདོ་འདི་ནི་ལྷོ་བརྒྱུད་ནང་བསྟན་པས་ཤིན་ཏུ་གཙིགས་ཆེར་མཛད་དོ། །བོད་ཀྱི་བན་དེ་བསོད་དར་རྒྱས་ཀྱིས་མ་ཧཱ་ཙི་ནའི་སྐད་ནས་བོད་སྐད་དུ་བསྒྱུར་ཅིང་ཞུས་ཏེ་གཏན་ལ་ཕབ་པའོ། །

མཁན་པོ་བསོད་དར་རྒྱས་ཀྱི་གསུང་འབུམ། ༩ རྡོ་རྗེ་ཕ་ལམ་གྱི་ཕྲེང་རྡོག་༣༦༥

མཁན་པོ་བསོད་དར་རྒྱས་ཀྱི་གསུང་འབུམ། ༡ བསླབ་བྱ།

མཁན་པོ་བསོད་དར་རྒྱས་ཀྱི་གསུང་འབུམ། ༢ འོད་དཔག་མེད་ཀྱི་ཞིང་ཡིད་ལ་བྱེད་པའི་མདོ།

མཁན་པོ་བསོད་དར་རྒྱས་ཀྱི་གསུང་འབུམ། ༣ ས་ཡི་སྙིང་པོའི་རྩ་བའི་སྨོན་ལམ་གྱི་མདོ།

མཁན་པོ་བསོད་དར་རྒྱས་ཀྱི་གསུང་འབུམ། ༤ བཀྲ་ཤིས་པའི་མདོ་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༥ ཕ་མའི་དྲིན་ལན་གཞལ་དཀའ་བའི་མདོ་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༦ ཕ་མ་སྐྱོབ་པའི་མདོ་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༧ བུ་མོ་མ་ཏཾ་གའི་མདོ་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༨ ལུང་དག་ལྡན་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༩ སངས་རྒྱས་འདའ་ཁའི་ཞལ་ཆེམས་ཀྱི་མདོ་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༡༠ རབ་བྱེད་ཞེ་གཉིས་པའི་མདོ་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༡༡ རབ་ཏུ་བྱུང་བའི་ཕན་ཡོན་ལ་བསྟོད་པ་ཚིགས་སུ་བཅད་པའི་མདོ་ཞེས་བྱ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༡༢ བདེ་ཆེན་ཞིང་སྦྱོང་གི་བསྟན་བཅོས་ཚིགས་བཅད་མའི་རྣམ་པར་བཤད་པ།

མཁན་པོ་བསོད་དར་རྒྱས་ཀྱི་གསུང་འབུམ། ༡༣ རྒྱ་ནག་རི་བོ་རྩེ་ལྔའི་གནས་བཤད་མཐོང་ལྡན།

མཁན་པོ་བསོད་དར་རྒྱས་ཀྱི་གསུང་འབུམ། ༡༤ སྙིང་གཏམ་སྙིང་གི་ཐིག་ལེའི་འགྲེལ་བ།

མཁན་པོ་བསོད་དར་རྒྱས་ཀྱི་གསུང་འབུམ། ༡༥ དྲན་ངོགས་ཀྱི་ནུབ་བསྐྱོད།

མཁན་པོ་བསོད་དར་རྒྱས་ཀྱི་གསུང་འབུམ། ༡༦ དྲན་ངོགས་ཀྱི་རྨི་སྣང་།

འབྲེལ་ཡོད་ཀློག་དེབ།