འཇིགས་མེད་ཆོས་ཀྱི་དབང་པོའི་ཞལ་ནས། །བློ་སྦྱོངས་བློ་སྦྱོངས་རང་གི་བློ་སྦྱོངས་ཤིག ། བློ་ལྡོག་རྣམ་བཞིས་རང་གི་བློ་སྦྱངས་ན། །ལུས་ངག་དགེ་བ་སྣ་གཅིག་མ་འགྲུབ་ཀྱང་། ཐར་བའི་ལམ་ལས་གཞན་དུ་འགྲོ་ས་མེད། ཅེས་གསུངས། 晋美秋吉旺波： 修心修心修自心，以四厌离修自心，身语纵未修一善，除至解脱无余处。
法语
上师在微信与微博上的文字 · 按时间倒序
ཀུན་མཁྱེན་ཀློང་ཆེན་པས།དེ་ཕྱིར་བྱང་ཆུབ་དོན་དུ་གཉེར་རྣམས་ཀྱིས།། ནམ་གྱི་ཆ་སྟོད་ཉིད་དང་ཆ་སྨད་དང་། སྔ་དྲོ་ཕྱི་དྲོ་གུང་རྣམས་རྟག་བརྩོན་པས།། བསམ་གཏན་དང་ནི་འདོན་ལ་བརྩོན་འགྲུས་བརྩམ། ། ཞེས་གསུངས། 全知龙钦巴： 希求菩提者，上夜及下夜，上下午精进，修禅与诵经。
9. ●དྲི་བ།：རང་དང་འབྲེལ་བ་མི་ལེགས་པའི་མི་ལ་ཇི་ལྟར་འབྲེལ་འདྲིས་བྱེད་དགོས་སམ། ●ལན།：གཙོ་བོ་བྱམས་བརྩེ་དང་གུ་ཡངས་ཀྱི་སེམས་ཤིག་ལྡན་དགོས། དེ་ལྟར་གཞན་གྱིས་རང་ལ་གནོད་པ་ཇི་ཙམ་བསྐྱལ་ཡང་། སེམས་སུ་ཞེ་སྡང་སྐྱེ་མི་སྲིད་ལ། འཆམ་མཐུན་གྱི་ངང་ནས་འབྲེལ་འདྲིས་ཀྱང་བྱེད་ཐུབ། ནོ་བྷེལ་ཞི་བདེའི་བྱ་དགའ་ཐོབ་མཁན་མཱ་ལ་ལཱ་ཞེས་པ་དེས། ང་ནི་ཐ་ན་རང་གི་སྲོག་ལེན་འདོད་མཁན་གྱི་མི་ལའང་ཞེ་སྡང་མི་སྐྱེ་སྟེ། འདི་ནི་ངས་སྟོན་པ་ཡེ་ཤུ་དང་སངས་རྒྱས་བཅོམ་ལྡན་འདས་སོགས། སྔོན་གྱི་དམ་པ་རྣམས་ལས་བསླབས་པའི་བྱམས་བརྩེ་ཡིན་ཞེས་གསུངས། དེ་ལས་ལྡོག་སྟེ་བཤད་ན། གལ་ཏེ་བྱམས་བརྩེ་དང་གུ་ཡངས་ཀྱི་སེམས་མེད་ན། གཞན་གྱིས་རང་ལ་ཅི་ཙམ་ལེགས་པོ་བྱེད་ཀྱང་། རང་གིས་ཕ་རོལ་པོར་ཞེ་སྡང་དང་འཁོན་སེམས་འཛིན་པའང་ཡོད་སྲིད། ཡོག་ཁུ་སློབ་ཆེན་གྱི་འཆད་འཁྲིད་ལས་བཏུས།།2014.10.24 ●问：如何跟关系不好的人相处？ ●答：关键是要有一颗慈悲包容的心，这样不论别人如何伤害自己，都不会生起怨恨，还能够与之和睦相处。诺贝尔和平奖获得者马拉拉说：“我甚至不怨恨想要杀害我的人，这是我从导师耶稣和佛陀等先知们身上所学到的慈悲。”反过来说，如果没有慈悲与包容心，那么即使别人对自己很好，自己也可能对对方心怀嗔恨。 选自：约克大学演讲 2014.10.24
དགེ་སྐྱེས་ཀྱི་མདོ་ལས། དྲོ་གྲང་དག་ལ་མི་འཛེམས་པར།། ཉིན་མཚན་ཀུན་ཏུ་བརྩོན་བྱས་ན།། མི་འགྲུབ་བྱ་བ་གཅིག་ཀྱང་མེད།། མཐར་ཐུག་མྱ་ངན་མེད་པར་འགྱུར།། ཞེས་གསུངས། 《善生经》： 若不计寒暑，朝夕勤修务，事业无不成，至终无忧患。
ལས་ཀྱི་རྣམ་པར་སྨིན་པའི་འབྲ་བུའི་མདོ་ལས།སངས་རྒྱས་འདོད་ན་གསུང་རབ་སྒྲོགས་བརྩོན་བྱ།།དགེ་སེམས་འདོད་ན་ཞེ་སྡང་མི་བྱའོ།།འབྲས་བཟང་འདོད་མཆོད་པ་རྟག་ཏུ་བྱ།།ཚེ་རིང་འདོད་ན་སྲོག་གཅོད་སྤང་བར་བྱ།།ཞེས་གསུངས། 《业果成熟经》： 若欲成佛宣正法，若欲心善不生嗔，若欲妙果常供养，若欲长寿断杀生。
8. ●དྲི་བ།：བླ་མ་རིན་པོ་ཆེ་ལགས། ང་ལ་དྲི་བ་ཞིག་ཡོད་པ་ནི། ཇི་ལྟར་རྒྱུན་འཁྱོངས་བྱས་ནས། རང་གིས་མི་འདོད་རུང་། མ་བསྒྲུབ་ཐབས་མེད་ཀྱི་བྱ་བ་དེ་དག་སྒྲུབ་དགོས་སམ། ●ལན།：མིག་བཙུམས་ནས་མདུན་དུ་རྒྱུག་དགོས། ང་ཚོའི་མི་ཚེ་ལ་ལས་འབྲེལ་མང་པོ་ཞིག་ཡོད་དེ། རང་གིས་སྒྲུབ་མི་འདོད་ཀྱང་སྒྲུབ་དགོས་པའི་བྱ་བ་ཡོད་ལ། མཐོང་མི་འདོད་པའི་མི་ཡང་། ནམ་རྒྱུན་རང་གི་མིག་ལམ་དུ་ཐོན་ཡོང་སྲིད། སྐབས་རེར་བཤད་མི་འདོད་པའི་སྐད་ཆའང་མི་བཤད་ཐབས་མེད་ཡིན་ལ། བཟའ་མི་འདོད་པའི་ཟས་རིགས་ཀྱང་། རྒྱུན་དུ་བཟའ་དགོས་པ་འབྱུང་། འཕྲད་མི་འདོད་པའི་དོན་དག་ཀྱང་རྒྱུན་དུ་འཕྲད་སྲིད། འདིའི་མིང་ལ་མི་འདོད་པ་ཐོག་ཏུ་ཁེལ་བའི་སྡུག་བསྔལ་ཟེར་ཞིང་། རང་ཉིད་ལ་འབྱུང་མི་འདོད་པའི་དོན་དག་རྣམས། རྒྱུན་དུ་རང་གི་ཐོག་ཏུ་འབབ་པར་གྱུར་བ་ལ་ཟེར་བ་ཡིན། ཡིན་ནའང་གལ་ཏེ་ཁྱེད་ཀྱིས་འགྱུར་ལྡོག་གཏོང་མི་ཐུབ་ན། སྤྲོ་སྣང་དང་ཧུར་བརྩོན་གྱི་སྒོ་ནས་གདོང་ལེན་གྱིས་དང་། དུས་ཚོད་ངེས་ཅན་ཞིག་ལ་སླེབས་ཚེ། ཁྱེད་རང་གོམས་པར་འགྱུར་ལ། མ་ཟད་དེ་ལ་དགའ་བར་ཡང་འགྱུར་སྲིད། སྐབས་དེར་གཅིག་བྱས་ན་གྲུབ་འབྲས་ཀྱང་ཐོན་ཡོང་སྲིད། ཨི་ཏ་ལིའི་ཐུའུ་རིན་གྱི་འཆད་འཁྲིད་ལས་བཏུས།། ●问：大师，我有一个问题就是，要如何去坚持做一件，自己不喜欢，但是又不得不做的事情？ ●答：闭着眼睛往前奔跑。我们的人生有很多因缘，有些自己不愿意做的事情要去做，自己不愿意见的人也经常会出现在你面前，有时不愿意说的话不得不说，不愿意吃的东西经常要吃，不愿意碰到的事情经常会碰到。这叫不欲临苦，指自己不愿意发生的事经常降临到自己的头上。但是如果你不能改变，那就要以乐观、积极的态度去面对，到了一定的时候，你可能就习惯了，而且也喜欢做了，这时可能就会出现成果。 选自：意大利都灵演讲 2015.9.25
མདོ་ལས།བྱང་ཆུབ་སེམས་དཔའ་ད་ལྟར་གྱི་སངས་རྒྱས་མངོན་སུམ་དུ་བཞུགས་པའི་ཏིང་ངེ་འཛིན་དེ་ནི་ཆོས་བཞི་དང་ལྡན་ན་འཐོབ་སྟེ། བཞི་གང་ཞེ་ན། མི་འཕྲོག་པའི་དད་པ་དང་། ཕྱིར་མི་ལྡོག་པའི་བརྩོན་འགྲུས་དང་། གཞན་དྲིང་མི་འཇོག་པའི་ཤེས་རབ་དང་། དགེ་བའི་བཤེས་གཉེན་ལ་བསྙེན་བཀུར་བྱེད་པའོ།།ཞེས་གསུངས། 佛经： 现今如来住世等持可以四法获取。何为四法？坚定不移之信心、永不退转之精进、不依他人之智慧、依止善知识。
བཤེས་པའི་སྤྲིང་ཡིག་ལས། དད་དང་ཚུལ་ཁྲིམས་ཐོས་དང་གཏོང་བ་དང་། །དྲི་མེད་ངོ་ཚ་ཤེས་དང་ཁྲེལ་ཡོད་དང་། །ཤེས་རབ་ནོར་བདུན་ལགས་པར་ཐུབ་པས་གསུངས། །ནོར་གཞན་ཕལ་པ་དོན་མ་མཆིས་རྟོགས་མཛོད། །ཅེས་གསུངས། 《亲友书》： 佛说信心与持戒，多闻布施净知惭，有愧智慧圣七财，了知余财无实义。
7. ●དྲི་བ།：མཁན་པོ་ལགས། ཁྱེད་ཀྱི་དགོངས་པ་ལྟར་ན་ཆོས་གང་ཞིག་གིས། བསོད་ནམས་དང་ཡེ་ཤེས་ཀྱི་ཚོགས་མྱུར་དུ་གསོག་ཐུབ་པ་དང་། བྱིན་རླབས་མྱུར་དུ་འཇུག་ཐུབ། ཁྱེད་ཀྱིས་བསོད་ནམས་མྱུར་དུ་འཕེལ་བའི་གདམས་ངག་ཅིག་གནང་རོགས་ཞུ། ●ལན།：གསང་སྔགས་ཀྱི་ཆོས་ལ་ཡུན་རིང་པོར། སློབ་སྦྱོང་དང་ཉམས་ལེན་བྱས་པའི་ངོས་ནས་བཤད་ན། ཚོགས་གཉིས་རྫོགས་པར་བྱེད་པའི་གནད་གཙོ་བོ་ནི། ཆོས་ལུགས་དང་གྲུབ་མཐའ་གང་ཞིག་ཡིན་རུང་། ཐོག་མར་མི་ལུས་རྙེད་དཀའ་བ་དང་། ཚེ་མི་རྟག་པ། འཁོར་བའི་ཉེས་དམིགས་སོགས་ལ། བློ་ཡག་པོ་སྦྱོང་དགོས། དེ་དུས་ནང་པ་རྣལ་མ་ཞིག་ཏུ་འགྱུར་ཐུབ། དེའི་རྗེས་སུ། སྐྱབས་འགྲོ་དང་སེམས་བསྐྱེད། བཤགས་པ་སོགས་ཀྱང་། ཚོགས་གཉིས་ཡོངས་སུ་རྫོགས་པའི་རྩ་བ་ཡིན་ལ། ཆེས་སྟབས་བདེ་བའི་ཐབས་ལམ་ཞིག་ཀྱང་ཡིན། གལ་ཏེ་རང་ཉིད། བླ་མ་དང་ཆོས་ལ་དད་པ་ཁྱད་པར་བ་ཞིག་ཡོད་ན། དམིགས་བསལ་གྱི་མི་ཁ་ཤས། དུས་ཡུན་རིང་པོ་མི་འགོར་བར་ཚོགས་གཉིས་རྫོགས་ཐུབ། དེར་བརྟེན་རྒྱ་བརྒྱུད་ནང་བསྟན་གྱི་ཁྲོད་དུ། བླ་མ་ཡུན་ཀོང་དང་བསམ་གཏན་རབས་དྲུག་པ་ཧོས་ནུན། ཁོང་རྣམ་པས་ཀྱང་སློབ་མ་རྣམས་ལ། ལོ་མང་པོའི་རིང་ལས་ཀ་ལས་ནས་དཀའ་བ་སྤྱད་དུ་བཅུག་ཅིང་། འདི་ཡང་འགྱོད་བཤགས་དང་ཐབས་མཁས་པའི་ལམ་ཞིག་ཡིན། ཧོང་ཀོང་སློབ་ཆེན་གྱི་འཆད་འཁྲིད་ལས་བཏུས།། ●问：请问堪布，您觉得什么方法，可以迅速积累福慧资粮，得到最快的加持，请您传授一个让福报快速增长的窍诀。 ●答：作为一个长期学习或修行密法的人，我认为圆满福慧资粮的关键在于，不管哪一个宗教和教派，首先要将人身难得、寿命无常、轮回的痛苦等观修好这些修心法，那就能成为一个真正的佛教徒。其次，像皈依发心忏悔等等，这些都是积累福慧资粮的根本，也是最简单的一种方法。当然如果自己对上师对法门特别有信心的话，极个别的人不需要经过漫长的时间就能圆满二资。所以在汉传佛教当中，像以前的印光大师六祖，他们也通过多年的劳役苦行让弟子实践，这也是一种忏悔和方便法门。 选自：香港大学演讲2011.11.27
ཐེག་ཆེན་ཚུལ་འཇུག་ལས། མདོར་བསྡུས་ན་ཆོས་ཐམས་ཅད་སྒྱུ་མ་དང་སྨིག་རྒྱུ་དང་མགོ་མཉམ་པར་རྟོགས་པ་ནི། རྫོགས་པ་ཆེན་པོའི་དོན་རྟོགས་པ་སྟེ་ལྟ་བ་ཞེས་བྱ། རྟོགས་པའི་བློ་དང་མི་འབྲལ་བར་གནས་པ་ནི་ཤེས་བཞིན་ཆེན་པོའི་སྣོད་ཀྱིས་ཟིན་པ་ཞེས་བྱ། དེའི་དབང་གིས་འདུ་བྱེད་ཀྱི་རྩོལ་བ་ཆེད་དུ་མི་སྐྱེད་པ་ནི། བཏང་སྙོམས་ཆེན་པོའི་ངང་ལ་གནས་པ་ཞེས་བྱ་སྟེ། དེ་ལ་སྒོམ་པ་ཞེས་ཀྱང་བྱའོ། །ཚིག་དེ་གསུམ་གྱིས་རྫོགས་པ་ཆེན་པོའི་ལྟ་སྒོམ་མ་ལུས་པར་རྫོགས་པ་ཡིན་ནོ། །ཞེས་གསུངས། 《入大乘论》： 总之，若通达诸法是梦是幻、与梦幻等同之理，则称为证悟大圆满之见。若安住并不离于所证悟之智慧，则称为被大正知器所摄。以此而不依勤作之行，则称为大等舍性，此名为修行。此三句涵盖大圆满一切见修。
དགེ་འདུན་ཆོས་འཕེལ་གྱིས། དར་མའི་ན་ཚོད་དབྱར་གྱི་མེ་ཏོག་ཙམ།།མཛེས་པའི་བཀྲག་མདངས་དགུན་གྱི་འཇལ་ཚོན་ཙམ།།མི་ཡི་ཚེ་ལ་ཡུན་ལོང་མི་འདུག་པས།།ད་ནི་སྙིང་པོའི་ལྷ་ཆོས་བྱེད་པར་བྱ།། 更登曲培： 妙龄韶华宛如夏日英，昳丽娇容瞬若冬时虹，此生寿数短促不久长，今当勤修精藏胜妙法。
6. ●དྲི་བ།：འཇིག་རྟེན་འདིར་ཤིན་ཏུ་ཕྲ་བའི་ཚེ་སྲོག་གིས་ཡོངས་སུ་ཁྱབ་ཡོད། དཔེར་ན་ཕྲ་སྲིན་དང་ནད་དུག་སོགས་སྐྱེ་དངོས་ཕྲ་མོ་སྣ་ཚོགས་ཡོད། འདི་དག་ལ་རྣམ་ཤེས་ལྡན་ནམ། སེམས་ཅན་གྱི་ཁོངས་སུ་གཏོགས་སམ། ●ལན།：ཕྲ་སྲིན་དང་ནད་དུག་སོགས་སྐྱེ་དངོས་རིག་པའི་ཁྲོད་དུ་གླེང་བའི། ཚེ་སྲོག་ཕྲ་མོ་གཞན་དག་ནི། ཁྱབ་ཆེ་བའི་ཚེ་སྲོག་གི་རྟོག་དོན་ངང་བཤད་ན། འགའ་རེ་ལ་ཚེ་སྲོག་ལྡན་པ་ཡིན། ཡང་ཚེ་སྲོག་གི་གོ་དོན་ཆུང་ས་ནས་བཤད་ན། སེམས་ཅན་གྱི་ཁོངས་སུ་མི་གཏོགས། རྒྱུ་མཚན་ནི་སངས་རྒྱས་ཀྱིས་ཀྱང་མདོ་ལས། སེམས་ཅན་ནི་གཟུགས་དང་། ཚོར་བ། འདུ་ཤེས། འདུ་བྱེད། རྣམ་ཤེས་ཏེ། ཕུང་པོ་ལྔ་འདུས་པ་ལ་ཟེར་ཞེས་གསུངས། གལ་ཏེ་ཆོས་གང་ཞིག་ལ་ཕུང་པོ་ལྔ་པོ་མ་འདུས་ན། གཟུགས་མེད་ཁམས་ཀྱི་སེམས་ཅན་མ་གཏོགས་ཏེ། ཕུང་པོ་བཞི་ཁོ་ན་ལྡན་པ། དེ་ལ་ཚོར་སྣང་དང་འཕེལ་འགྱུར་ཡོད་ལ། སྐྱེ་བ་དང་འཕེལ་བ། འཇིག་པའང་ཡོད་མོད། དེ་ནི་སེམས་ཅན་གྱི་ཁོངས་སུ་མི་གཏོགས། ཡིན་ནའང་སྐྱེ་དངོས་རིག་པས་འདི་དག་ལ་ཚེ་སྲོག་ཅེས་འབོད། འདི་ནི་འགྱུར་བྱུང་སོགས་ཀྱི་ཆ་ནས་བཏགས་པ་ཡིན། དེའི་ཕྱིར་ན། ཆོས་ལུགས་རིག་པ་དང་སྐྱེ་དངོས་རིག་པ་གཉིས་ཀྱི། སེམས་ཅན་གྱི་གོ་དོན་འབྱེད་ལུགས་ལ་ཁྱད་པར་མཆིས ཏོ་རོན་ཊོ་སློབ་ཆེན་གྱི་འཆད་འཁྲིད་ལས་བཏུས། 2014.10.29 ●问：这个世界充满非常微小的生命体，比如细菌病毒以及其他各种微生物。它们有灵魂吗？属于有情吗？ ●答：细菌病毒以及生物学中提及的其他微小生命，从广义的生命概念而言，有些是有生命的；从狭义的生命概念而言，不属于有情。因为佛陀在相关经典中讲：有情是色受想行识，五蕴的聚合。如果一个事物不是五蕴的聚合，无色界众生例外，只具足四蕴，虽然有感受和演变，可以生长繁衍与灭亡，但不属于有情。不过生物学会把它们称为生命，这是从具有反应等角度命名的。因此，宗教学与生物学对有情的界定有所不同。 选自：多伦多大学演讲 2014.10.29
རྒྱལ་སྲས་རིན་པོ་ཆེས། སྔོན་སྤྱད་བདེ་སྡུག་ཆུ་ཡི་རི་མོ་འདྲ། །ཟིན་པ་རྗེས་མེད་ཡིན་གྱི་རྗེས་མ་གཅོད། །ཅིས་ཀྱང་དྲན་ན་འབྱོར་རྒུད་འདུ་འབྲལ་སོམས། །ལྟོས་ཐུབ་ཆོས་ལ་འདུག་གེ་མ་ཎི་བ། །ཞེས་གསུངས། 无著菩萨： 昔日感受苦乐如波纹，已尽无尽切莫追忆之，若念当思盛衰与离合，法外何有可依嘛尼瓦？
རྗེ་མི་ལས། ང་འཆི་བས་འཇིགས་ནས་རི་ལ་ཕྱིན། །ནམ་འཆི་ཆ་མེད་བསྒོམས་བསྒོམས་པས། །འཆི་མེད་གཉུག་མའི་བཙན་ས་ཟིན། །ད་འཆི་བའི་འཇིགས་པ་བོར་ཏེ་ཐལ། །ཞེས་གསུངས། 米拉日巴尊者： 吾初畏死赴山中，数数观修死无定，已获无死本坚定，此时远离死畏惧。
སློབ་དཔོན་འཕགས་པ་ལྷས།མདོར་ན་ཆོས་ནི་མི་འཚེ་བ།།དེ་བཞིན་གཤེགས་པ་རྣམས་ཀྱིས་གསུངས།།སྟོང་ཉིད་མྱང་ངན་འདས་པ་སྟེ།།འདིར་ནི་དེ་གཉིས་འབའ་ཞིག་གོ།ཞེས་གསུངས། 圣天论师： 如来所说法，略言唯二种， 不害生人天，观空证涅槃。
རྒྱུད་བླ་མ་ལས།རྫོགས་སངས་སྐུ་ནི་འཕྲོ་ཕྱིར་དང་།།དེ་བཞིན་ཉིད་དབྱེར་མེད་ཕྱིར་དང་།།རིགས་ཡོད་ཕྱིར་ན་ལུས་ཅན་ཀུན།།རྟག་ཏུ་སངས་རྒྱས་སྙིང་པ་ོ་ཅན།།ཞེས་གསུངས། 《宝性论》： 佛身普现故，真如无别故，具种故众生，恒具如来藏。
ཟླ་བ་སྒྲོན་མའི་མདོ་ལས། བསྐལ་པ་བྱེ་བ་གང་གཱའི་བྱེ་སྙེད་དུ། །སངས་རྒྱས་དག་ནི་བྱེ་བ་ཁྲག་ཁྲིག་ལ། །གདུགས་དང་བ་དན་མར་མེའི་ཕྲེང་བ་དང་། །ཟས་དང་སྐོམ་གྱིས་དད་སེམས་མཆོད་བྱས་པས། །གང་གིས་དམ་པའི་ཆོས་འདི་འཇིག་པའི་ཚེ། །བདེ་བར་གཤེགས་པའི་བསྟན་པ་འགག་པ་ན། །ཉིན་ཞག་དུས་ནི་བསླབ་པ་གཅིག་བཟུང་བ། །དེ་བས་བསོད་ནམས་འདི་ནི་ཁྱད་པར་འཕགས། །ཞེས་གསུངས། 《月灯三昧经》： 若于河沙多亿劫，供养百亿那由佛，清净信心施肴膳，亦施灯鬘及幡盖。若于正法衰末世，如是佛法欲灭时，于一日夜学是行，比前福报胜于彼。
སོ་སོར་ཐར་བའི་མདོ་ལས། །བསྐལ་པ་བྱེ་བ་རྣམས་སུ་ཡང་། །སོ་སོར་ཐར་པ་ཐོས་པ་དང་། །གཟུང་དང་འཛིན་པ་རྙེད་དཀའ་སྟེ། །སྒྲུབ་པར་བྱེད་པ་ཤིན་ཏུ་དཀོན།ཞེས་གསུངས། 《别解脱戒经》： 若于俱胝劫，听闻并受持，讽诵及修行，戒律极难得。
ཚིག་གསལ་དུ་དྲངས་བའི་མདོ་ལས།སྲིད་གསུམ་རྨི་ལམ་དང་འདྲ་སྙིང་པོ་མེད།།མྱུར་དུ་འཇིག་ཅིང་མི་རྟག་སྒྱུ་མ་བཞིན།།འོང་བ་མེད་ཅིང་འདི་ནས་འགྲོ་བའང་མེད།།རྒྱུན་རྣམས་རྟག་ཏུ་སྟོང་ཞིང་མཚན་མ་མེད།།ཅེས་གསུངས། 《显句论》所引用之佛经： 三有如梦无实质，速灭无常如幻术，无来亦无由此去，相续常空无相状。
རྗེ་རྒོད་ཚང་བའི་ཞལ་ནས།གཞན་རྣམས་བདེ་སྐྱིད་བྱུང་ཚེ་བླ་མའི་བྱིན་རླབས་སུ་འདོད་པས།ང་སྡུག་བསྔལ་བྱུང་ཡང་བླ་མའི་བྱིན་རླབས་སུ་འདོད་པས།རྐྱེན་སྣང་རང་བླ་མ་རུ་ཀྲོང་ངེ་རུ་ཤར་བ་འདི་གཞན་དང་མོས་གུས་ཀྱི་ཁྱད་པར་ཆེ་བ་ཡིན། 至尊果仓巴： 别人出现快乐时，认为此乃上师之加持，而我出现痛苦时，认为此乃上师之加持。无论出现任何外缘，直接显现为上师相，这是我与众不同的敬信。
